في فترة كنت شغال مع Marketing Agency أغلب شغلها على المجال الطبي
إشتغلنا وقتها على مراكز تصحيح إبصار وطب أسنان وغيره
من ضمن العملاء بتوعنا كان مركز لعلاج أمراض الذكورة وتأخر الإنجاب عند الرجال، ومركز خصوبة وصحة إنجابية عند السيدات
المركزين يعتبروا كيان واحد لكن كل منهم ليه طبيعته والعملاء بتوعه “منطقي يعني”
الإعتماد الأساسي وقتها في إنتاج الفيديوهات كان بشكلين:
الشكل الأول كان حلقات التليفزيون اللي بتوصل لنص ساعة وساعة كاملة، وبيكون في مذيعة تدير اللقاء وبتسأل، ده بجانب إستقبال إتصالات من بعض المرضى من وقت للتاني
الشكل التاني كان تصوير حلقات لكل طبيب علشان يتكلم عن مرض معين، أو مفهوم غلط أو غيره
حلقات قصيرة توصل من دقيقة إلى 10 دقايق فيها الدكتور بيكلم الكاميرا بشكل عادي
الشكلين جيدين جدا في توصيل هدفهم وهو إن الناس تثق إن الأطباء الموجودين عندهم الخبرة الكافية، بجانب تعريف المرضى ببعض الجوانب في أمراض الذكورة والخصوبة
ده معناه إن الهدفين كانوا الأساسيين هما الـ Awareness و الـ Consideration
يفضل عندنا المرحلة الأخيرة وهي الـ Sales
حقيقي إن الحلقات سواء القصيرة الأونلاين منها أو التلفزيونية بيحققوا Sales بشكل غير مباشر
لكن وجود Sales Message اضحة هيكون ليها تأثير أقوي
وعليه كانت المهمة هي عمل فيديو هدفه Sales بشكل أساسي يخدم المركزين في جزئية تأخر الإنجاب
“متعملش فيديو لمجرد إن غيرك بيعمل أو الفيديو شكله حلو ..أو علشان محدش ياكل وشنا ويقول الشركة مش بتعمل فيديو”
الخطوات العامة
الـ Creative Brief
بحكم شغلنا على العميل من فترة.. فإحنا فاهمين العملاء بتوعه والـ Industry كويس “في بعض الأحيان كنا بناقش الدكاترة في حاجات علمية من كتر شغلنا في الـsearch “
الـConcept
فكرة أمراض الذكورة والخصوبة كانت محتاجة تكون مجردة ونستخدم أشكال توضيحية .. في نفس الوقت يكون في جانب مشاعر لأننا بنكلم أزواج نفسهم في فرحة وجود طفل .. وعليه تم إختيار شكل الـ 2D للتنفيذ
ملحوظة جانبية : كتابة المحتوى هي عبارة عن كلمات “أفتكر منطقي” .. لكن تحويل المحتوى ده لصورة محتاج تكون عارف إيه الإمكانيات المتاحة للتنفيذ .. هل في إستعداد للتصوير بمعدات وله لا .. وحتى لو الحاجة هتكون 2D أو أنيماشن ايه قدرة الشخص اللي هينفذ .. افتكر إن في يوم كنت عملت اسكريبت لوزارة إمارتية وكتبت اسكريبت عبارة عن أبطال خارقين Superheros .. لكن قبل التنفيذ الـ Animator كان هيشد في شعره لصعوبة التنفيذ والوقت المطلوب .. وعليه قعدنا وغيرنا في الاسكريبت وتم عمله بشكل مناسب للتنفيذ وفي الوقت المطلوب بجودة ممتازة والحمد لله
الكتابة
الفيديو كان جزء من حملة تحت إسم “بيت سعيد” .. وعليه كتبت الاسكريبت بفكرة البيت وفكرة تفكيك البيت وإعادة تركيبه
“الجزء اللي فات الكتابة فيه بتتلامس مع الـ Concept دي حاجة ممكن تقابلك كتير .. إن الـ Concept يحركك ويخليك تكتب بشكل معين”
ده شكل الاسكريبت قبل التنفيذ
بعدها دارت المناقشات مع الأشخصا القائمين على التنفيذ لحد ما طلعت النسخة النهائية والحمد لله
الفيديو
كتابة الاسكريبت مش مجرد فكرة .. الاسكريبت هو أداة علشان تحقق بيها هدف معين للعميل .. علشان كده لازم تكون فاهم عميلك كويس والفئة اللي بيستهدفها .. وعارف أفضل طريقة للتنفيذ .. وعارف الإمكانيات المتاحة معاك من مهارة فريق إلى الوقت المطلوب
كتابة الاسكريبت مش مجرد فكرة .. الاسكريبت هو أداة علشان تحقق بيها هدف معين للعميل .. علشان كده لازم تكون فاهم عميلك كويس والفئة اللي بيستهدفها .. وعارف أفضل طريقة للتنفيذ .. وعارف الإمكانيات المتاحة معاك من مهارة فريق إلى الوقت المطلوب
لو عايز تعرف إزاي تكتب اسكريبت إدخل على اللينك ده