أنا عمرو نوار شغال في مجال الـ Marketing من 2014، الحقيقة قبل كده بشوية لكن في 2014 عملت Shift Career بشكل كامل …
بداية شغلي كانت في Marketing Agency إسمها Ideacloud اللي انت ممكن تكون عارف الـ Educational Arm بتاعها اللي هى School Of Marketing.
قصدت اقول على Idea Cloud لأن فيها كان شغلنا مع عملاء بيشتغلوا في مجالات كتير … غير الكورسات والـ Workshops اللي كانت بتقدمهم School Of Marketing للمهتمين بالـ Marketing.
من العملاء اللي اشتغلت معاهم وقتها:
عقارات – كتب مسموعة – ملابس – حضانات – شركة بيع سيراميك ضخمة .. وحاجات تانية!
شغلي هناك بدأ بكتابة المحتوى والـ Email Marketing وبعدها مسكت قسم الـ Video Production في الشركة …
وبجانب شغلي على العملاء، كانت ليا مهمة في صناعة الكورسات والـ Workshops اللي بتنتجها School Of Marketing.
ودى كانت فترة مهمة جدا لأني غير دراسة الـ Filmmaking بأكتر من شكل منهم الـ Online والـ Offline .. كان في إحتكاك وتنفيذ شغل كتير بإيدي وده بيعلم أكتر بكتير من العلم النظري!
من بعد Ideacloud اشتغلت على Startup أنا ومجموعة أصدقاء لفترة، وعلشان الـ Startup مش بيأكل عيش في الأول، كان لازم أعمل حاجات جانبية توفرلي دخل وكان الـ Freelancing هو الحل.
اشتغلت في كتابة وتنفيذ إعلانات لمطابع ومطاعم في القاهرة، ومراكز تعليمية وحاجات صعب أفتكرها كلها!
ولما تجربة الـ Startup منجحتش، اخترت “بتوفيق ربنا الأول” إني اشتغل Full time في Media House إماراتية كـ Script Writer …
اشتغلت مع أكتر من جهة حكومية وغير حكومية في دولة الإمارات وغيرها، منها النيابة العامة لدبي وبلدية دبي وسلاسل محلات في السعودية وكومباوند في المغرب وغيرهم كتير!
تقديم الشغل لبعض الجهات خاصة الحكومية كان بيتطلب إننا نعمل Storyboard كاملة قبل التعاقد، وده معناه إن قدام كل اسكريبت كتبته واتنفذ في 100 متنفذوش!
وقدام كل حملة كتبت فكرتها بكل أشكالها في عشرة على الأقل اترموا!
ده لو هيقول حاجة هيقول إن التجارب كانت كتير جدا، والشغل بالإيد والإشراف على ناس تانية بتشتغل كان كتير برضه.
بعد الـ Media House اشتغلت Creative Director في أكتر من Marketing Agency، وفي كل Agency كنت بشتغل على حاجات مختلفة!
يعني اشتغلت في المجال الطبي مع تخصصات مختلفة زي الأسنان والعيون والذكورة والخصوبة والتجميل …
اشتغلت مع شركات بتصنع منتجات للجمهور ومطاعم وكافيهات وشركات تسويق عقاري …
اشتغلت في مجال الـ Ecommerce وما أدراك ما مجال الـ Ecommerce بكمية الشغل الخاص بالفيديو والاسكربتات اللي بتكون مطلوبة فيه!
اشتغلت مع شركات عندها مشروع وعايزة مستثمرين قبل ما تكون عايزة عملاء!
وانا جاى النهاردة عشان انقلك تجربتى كاملة، واقولك على الـ Process المحددة اللي انا بمشي عليها عشان انتج اسكريبت، وهعلمك ازاى تنتج أول اسكريبت ليك في وقت قياسي حتى لو ماتعرفش أي حاجة عن الـ Script Writing.
الكورس الموجود هنا فيه تجربة سنين وتعامل مع عملاء وفشل كتير ونجاحات كتير برضو!
تجارب كتير عملتها بنفسي وتجارب كتير أشرفت عليها وعلى اللي بينفذوها.
الكورس مجاني 100%!