الكورس مقسم لـ 3 أجزاء، وكل جزء مقسم لـ 3 أجزاء!

القسم الأول: ما قبل الكتابة (الـ Brief)

برغم إن كل الناس “تقريباً” عارفة أهميته، إلا إن قليلين جدا اللي بيستخدموه فعلاً!

الأغلب بيشتغلوا بالشطارة والفهلوة كدة، وبتكون النتيجة اسكريبت مسلوق ملوش طعم!

لان اللي بيكتب “حتى لو صاحب المنتج نفسه” مش عارف يتحرك إزاي وعلى أي أساس!

في بعض الحالات “ودي حصلت لناس كانوا اشتغلوا معايا” بيفضل الشخص عطلان مش عارف يكتب أول كلمة حتى!

والسبب إن الشخص ماخدش المعلومة اللي محتاج يشتغل بيها!

في الجزء ده من الكورس هنتكلم عن ازاي تاخد Brief  مظبوط تشتغل بيه علشان متعطلش في النص وتقدر تطلع اسكربيت ممتاز في وقت قياسي.

القسم الثاني: التصور والكتابة

فكرة الاسكريبت بتاعك والطريقة اللي هيطلع بيها أوقات بتكون أهم من اللي هتقوله في الاسكريبت …

لو الطريقة اللي اخترتها للإعلان بتاعك مش مناسبة لطبيعة الـ Brand أو للعملاء بتوع الـ Brand يبقى الشغل اللي عملته في الاسكريبت مش هيفرق حاجة!

في الجزء ده بكلمك عن ازاي تلاقي Concept مناسب للاسكريبت بتاعك سواء كانت الاسكريبت لإعلان هيتصور “Real” او هتكتب اسكريبت لإعلان 2D أو إنفوجراف.

لكن الأهم ان بعد الكورس هتلاقي نفسك بقيت ماكينة Concepts وعندك مخزون أفكار تقدر تستفيد منه في شغل الاسكريبات اللي جاي.

القسم الثالث: الكتابة واعادة الكتابة

قبل ما تكتب لازم تاخد بالك من نقطة مهمة:

إحنا مش بنعمل أفلام قصيرة، إحنا بنعمل رسالة تسويقية في غلاف فني!

وكل ما كان الغلاف الفني حلو وكل ما كانت الرسالة التسويقية صح كل ما الاسكريبت حقق نتائج.

كتابة إعلان بتختلف عن كتابة فيلم أو مسلسل، في حالة الفيلم أو المسلسل عندك وقت تقول اللي انت عايزه براحتك والمشاهد مديك وقته!

إنما في حالة الإعلان انت لو مخطفتش إنتباه من الثواني الأولي الإعلان فشل!

مرة اشتغلت مع مركز طبي كان الإعلان السابق بتاعهم مدته 10 دقايق علشان يوضح معاناة الشخص اللي بيلبس النضارة!

لكن لما اشتغلنا مع بعض، عملنا إعلان مدته 72 ثانية وحقق ما يقرب من مليون مشاهدة.

في الجزء ده هنتكلم عن ازاي تعمل الخلطة مركزة وجذابة وتحقق الهدف المطلوب.

بعد كدة نروح لأهم مبدأ في كتابة الاسكريبتات وهو إعادة الكتابة …

وده علشان تضمن إن أولا الاسكريبت يحقق النتائج المطلوبة منه، وثانيا تقدر تعمل نسخ مناسبة لكل منصة هينزل عليها.